በዘርፉ የሚታዩ ብልሹ አሠራሮችንና የሥነ-ምግባር...

July 29, 2026 - In ንግደረ    0

በዘርፉ የሚታዩ ብልሹ አሠራሮችንና የሥነ-ምግባር ችግሮችን ቀድሞ ለመከላከል ህብረተሰቡ የነቃ ተሳትፎውን እንዲያጠናክር ተጠየቀ።

በዘርፉ የሚታዩ ብልሹ አሠራሮችንና የሥነ-ምግባር ችግሮችን ቀድሞ ለመከላከል ህብረተሰቡ የነቃ ተሳትፎውን እንዲያጠናክር ተጠየቀ።

ሐምሌ 20/2018 ዓ.ም

የአዲስ አበባ ከተማ አስተዳደር ንግድ ቢሮ የፀረ-ሙስናና የሥነ-ምግባር ጉዳዮች ዳይሬክቶሬት ዳይሬክተር ወ/ሮ ከድጃ መሐመድ፣ በ2018 በጀት ዓመት ሥነ-ምግባርን ከማስፈንና ሙስናን ከመከላከል አንፃር የተሠሩ ሥራዎች ውጤታማ መሆናቸውን ገልፀዋል።

ዳይሬክተሯ ከዝግጅት ክፍላችን ጋር ባደረጉት ቆይታ፣ ቢሮው በበጀት ዓመቱ መጀመሪያ የሙስናና የሥነ-ምግባር ችግሮች ምንጮችን ቀድሞ በመለየት ከህብረተሰቡ ጋር በመቀናጀት የመከላከል ሥራ ማከናወኑን ገልጸዋል።

በተግባር የተፈጸሙ የሥነ-ምግባር ጥሰቶችን መሠረት በማድረግም አስፈላጊው ሕጋዊና አስተዳደራዊ እርምጃ መወሰዱን አስረድተዋል።

ቢሮው የሥነ-ምግባርና የሙስና ችግሮችን ቀድሞ ለመከላከል ባከናወነው ሥራ ከ4.5 ሚሊዮን ብር በላይ ማዳን መቻሉንና ሊጭበረበር የነበረ የ212 ሚሊዮን ብር የባንክ ስሊፕ እንዳይጭበረበር ማድረግ መቻሉን ወ/ሮ ከድጃ ገልጸዋል።

እንደ ዳይሬክተሯ ገለጻ፣ በነዳጅ ማደያዎች፣ በገበያ ማዕከላትና በሰንበት ገበያዎች የተፈጸሙ የሥነ-ምግባር ጥሰቶችን በመመርመር ሕጋዊና አስተዳደራዊ እርምጃዎች ተወስደዋል። በተጨማሪም ለህብረተሰቡ የማሳወቅ ሥራ ተከናውኗል።

ቢሮው የሙስናና የሥነ-ምግባር ችግሮችን ለመቀነስ ከህብረተሰቡ ጋር በቅርበት በመሥራትና በተለያዩ አማራጮች ጥቆማዎችን በመቀበል ተገቢውን ሕጋዊና አስተዳደራዊ እርምጃ በየጊዜው እየወሰደ መምጣቱን ዳይሬክተሯ አውስተዋል።

በተያዘው በጀት ዓመት የሙስናና የሥነ-ምግባር ችግሮችን በትርጉም ያለው መልኩ ለመቀነስ የተጀመሩ ሥራዎች ተጠናክረው እንደሚቀጥሉ ወ/ሮ ከድጃ መሐመድ ገልጸዋል።

ዳይሬክተሯ ህብረተሰቡ ቀደም ሲል ሲያደርግ የነበረውን የነቃ ተሳትፎ አጠናክሮ እንዲቀጥል ጠይቀዋል። በተለይም በዘርፉ የሚያጋጥሙ ብልሹ አሠራሮችን በ8588 ነፃ የስልክ መስመር ወይም በአካል በመገኘት ጥቆማ እንዲሰጥ መልዕክት አስተላልፈዋል።

---

Comments

Nothing was found.